Hawaii ;)

(Bitte bruchet nid mini freesurf adresse wo do itreit isch sondern mini normal gmx Adresse falls dir mir es mail wenn d schribe. Thx)

Erste Photos von Hawaii...

So ich hans jetzt nachere Wuche endlich gschafft die erschte Bildli ufezlade. Nach der erschte Wuche Schuel bis am Dunnschtig ...am Fritig han ich frei...smile..han ich am Weekend mol chli me Zyt gha zum Oahu noecher kennezlerne. Am Fritig bin ich in Pearl Harbour gsi bim USS Arizona State Memorial. Am Samschtig sind mir denn go es Football Spiel im Aloha Stadium luege.. es het immerhin 35000 Zuschauer gha und nach em Spiel hets denn no so richtig Action geh.. en Masse Fight unter de Spieler..ueber de isch sogar no drei Taeg nacher in de Zitige brichtet worde. Am Samschtit bin ich au s erscht mol chli laenger am Beach gsi in Waikiki. Am Sunntig bin ich denn uff en chlini Hike Tour zu de Manoa Falls...tja so toll sind die zwar au nid gsi ..smile..aber ich han zumindest es paar Blotere als Adenke..smile.
Jo und gescht bin ich denn s erscht mol go surfe....ich han notuerlich mis surf shirt nid drbi gha und drum gits jetzt erscht mol ei zwei tag pause vum surfe...smile.
So huett sett ich mich no chli umm mini Trips uff die andere Insle in es paar Wuche kuemmere..das heisst es wird allwe nued mit Beach huett aber drfuer lengts denn allwe grad guet fuer in Usgang go de Sunneuntergang luege ;).
Fuer das ich erscht ei Wuche do bin han ich eigentlich schu recht vill vu oahu gseh druch das es recht vill Studis do an der Schuel hett wo sich chli uskenne da sie schu ei oder mehrmols do gsi sind..und au d Homestay Mother het mir schu einges zeigt und mich schu einige Locals vorgstellt inklusiv im beruemtischte Saenger vu Hawaii ;)

Also das waers mol fuers erschte...

Gruessli us em Aloha State

Marc

>> News auf der naechsten Seite