Djerba 2

S'Hotelzimmer... also e Gfängiszelle do i de Schwiiiz esch MINDESTENS grad so gemütlich!!!

D'Fenster sind wie mer gseht scho mal gfängnismässig vergitteret gsi.. fragt sich nur zum Schutz vo wem? und vor wem?

Also d'Bette sind au suuper gsi! Het uf de Siite zwei iigmureti Betttischli gha.. nur das die leider z'nah binenander gsi sind und nümme zwei Better Platz gha händ -> schräg versetzt gaht ja au, no problem!

De Kleiderschrank esch wahrschinli scho lang usser Betriib.. eifach zu hässlich! Wenn mer wenigstens devo chönnt usgah das d'Ziitige wo drinne usgleit sind regelmässig usgwächslet werded?!?

Vom Badezimmer hani LEIDER keis Pix gmacht.. (ned zuemuetbar) bzw. ich wett d'Erinnerige dra eifach verdränge und es Föteli wär da sehr hinderlich  Alles rostig, Plättli halbe abbröcklet, s'Klo het eh ned rächt funktioniert.. uaaaa.. mues hörre!!!

Was es au nonie geh het, esch, das ich i de Ferie fasch nüt gässe han.. aber das esch würkli ned gange.. D'Tunese det händ zwar eine nach Europäischem Ässe gmacht, aber das hetteds lieber si glah, het irgendwie alles gliich nach Karton gschmöckt.. Esch ned de Sinn vo sonere Reis, das mer di fremdi Kultur ächli kennelernt und au di ungwohnte Speisen? Was koched di Einheimische det eigentli so? Kei Ahnig.. Schad eigentli..